Сугубая Ектения

 

Иерей или диакон: Рцем вси от всея души и от всего помышления нашего рцем.

Лик: Господи, помилуй.

 

Иерей или диакон: Господи Вседержителю, Боже отец наших, молим Ти ся, услыши и помилуй.

Лик: Господи, помилуй.

 

Иерей или диакон: Помилуй нас, Боже, по велицей милости Твоей, молим Ти ся, услыши и помилуй.

Лик: Господи, помилуй (трижды).

 

Иерей или диакон: Еще молимся о Великом Господине и отце нашем Святейшем ПАТРИАРХЕ КИРИЛЛЕ, и о Господине нашем (имярек егоже область), и всей во Христе Братии нашей.

Лик: Господи, помилуй (трижды).

 

Иерей или диакон: Еще молимся о Благочестивейшей Благоверной Государыне нашей ВЕЛИКОЙ КНЯГИНЕ МАРИИ ВЛАДИМИРОВНЕ.

Лик: Господи, помилуй (трижды).

 

Иерей или диакон: Еще молимся о Наследнике ЕЯ Благоверном Государе Цесаревиче и ВЕЛИКОМ КНЯЗЕ ГЕОРГИИ МИХАЙЛОВИЧЕ, и о супруге его Благоверной КНЯГИНЕ ВИКТОРИИ РОМАНОВНЕ, и о сыне их Благоверном КНЯЗЕ АЛЕКСАНДРЕ ГЕОРГИЕВИЧЕ.

Лик: Господи, помилуй (трижды).

 

Иерей или диакон: Еще молимся о Богохранимей стране нашей, Властех и Воинстве ея, да тихое и безмолвное житие поживем во всяком благочестии и чистоте.

Лик: Господи, помилуй (трижды).

 

Иерей или диакон: Еще молимся о братиях наших, священницех, священномонасех, и всем во Христе братстве нашем.

Лик: Господи, помилуй (трижды).

 

Иерей или диакон: Еще молимся о блаженных и приснопамятных Святейших Патриарсех Православных, и Благочестивых Царех, и Благоверных Царицах, и создателех святыя обители сея (или святаго храма сего), и о всех прежде почивших отцех и братиях, зде лежащих и повсюду, православных.

Лик: Господи, помилуй (трижды).

 

Иерей или диакон: Еще молимся о милости, жизни, мире, здравии, спасении, посещении, прощении и оставлении грехов рабов Божиих, братии святыя обители сея (или святаго храма сего).

Лик: Господи, помилуй (трижды).

 

Иерей или диакон: Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.

Лик: Господи, помилуй (трижды).

 

Архиерей же или иерей возглашает: Яко милостив и Человеколюбец Бог еси, и Тебе славу возсылаем, Отцу, и Сыну, и Святому Духу, ныне, и присно, и во веки веков.

Лик: Аминь.