Российский
Императорский Дом

Официальный сайт
Династии Романовых

Одноклассники
ВКонтакте

Априллий

25 марта/7 апреля. Благовещение Пресвятыя Владычицы нашея Богородицы и Приснодевы Марии.

Тропарь, глас 4: Днесь спасения нашего главизна, и еже от века таинства явление, Сын Божий Сын Девы бывает, и Гавриил благодать благовествует: темже и мы с ним Богородице возопиим: радуйся, Благодатная, Господь с Тобою.

Кондак, глас 8: Взбранной Воеводе победительная, яко избавльшеся от злых, благодарственная восписуем Ти раби Твои, Богородице: но яко имущая державу непобедимую, от всяких нас бед свободи, да зовем Ти: радуйся, Невесто неневестная.

Вход во Иерусалим Господа Бога и Спаса нашего Иисуса Христа.

Тропарь, глас 1: Общее воскресение, прежде Твоея страсти уверяя, из мертвых воздвигл еси Лазаря, Христе Боже. Темже и мы яко отроцы победы знамения носяще, Тебе Победителю смерти вопием: осанна в вышних, благословен грядый во Имя Господне.

Кондак, глас 6: На Престоле на небеси, на жребяти на земли носимый Христе Боже, аггелом хваление, и детей воспевание приял еси зовущих Ти: благословен еси Грядый Адама воззвати.

31 марта/13 апреля. Священномученика Ипатиа Епископа Гаггрскаго. Чудесное спасение Благовернаго Государя ИМПЕРАТОРА КИРИЛЛА ВЛАДИМИРОВИЧА.

Тропарь, глас 4: И нравом причастник, и престолом наместник Апостолом быв, деяние обрел еси, Богодухновенне, в видения восход: сего ради слово истины исправляя, и Веры ради пострадал еси даже до крове, Священномучениче Ипатие, моли Христа Бога спастися душам нашим.

1/14 апреля. Преподобного и Богоноснаго отца нашего Евфимиа, Суздальскаго Чудотворца.

Тропарь, глас 3: Яко светозарная звезда пришел еси от востока на запад, оставив отечество твое Нижний Новград, и дошед Богоспасаемого града Суждаля, в нем обитель сотворил еси, и собрал еси монахов множества: и приемь дар чудес от Бога, отче Евфимие, и был еси о Христе собеседник и спостник преподобному Сергию. С ним же у Христа Бога испроси Благоверной ВЕЛИКОЙ КНЯГИНЕ нашей МАРИИ ВЛАДИМИРОВНЕ здравие и спасение, и душам нашим велию милость.

СВЯТАЯ ПАСХА. Воскресение Господа Бога и Спаса нашего Иисуса Христа.

Тропарь, глас 5: ХРИСТОС ВОСКРЕСЕ ИЗ МЕРТВЫХ, СМЕРТИЮ СМЕРТЬ ПОПРАВ, И СУЩИМ ВО ГРОБЕХ ЖИВОТ ДАРОВАВ.

Кондак, глас 8: АЩЕ И ВО ГРОБ СНИЗШЕЛ ЕСИ, БЕЗСМЕРТНЕ, НО АДОВУ РАЗРУШИЛ ЕСИ СИЛУ, И ВОСКРЕСЛ ЕСИ ЯКО ПОБЕДИТЕЛЬ, ХРИСТЕ БОЖЕ, ЖЕНАМ МИРОНОСИЦАМ ВЕЩАВЫЙ: РАДУЙТЕСЯ, И ТВОИМ АПОСТОЛОМ МИР ДАРУЯЙ, ПАДШИМ ПОДАЯЙ ВОСКРЕСЕНИЕ.

Please publish modules in offcanvas position.