23 октября/5 ноября. Святаго и блаженнаго Иакова Боровицкаго, новаго Чудотворца.

Кондак, глас 8: Верою и любовию твое честное пренесение празднующих, блаженне, сохрани и соблюди от всякия злобы, и соблазна змиина: имаши бо дерзновение ко Владыце всех Христу Богу, Его же моли спасти ВЕЛИКУЮ КНЯГИНЮ Православную, и люди, молящия тя, да вси вопием ти: радуйся, отче Иакове, всея Российския Земли удобрение.

26 октября/8 ноября. Воспоминание великаго и страшнаго трясения.

Кондак, глас 8: Избави труса тяжкаго всех нас, Господи, и язвы нестерпимыя, грех ради наших: пощади, Господи, Православную ВЕЛИКУЮ КНЯГИНЮ нашу и люди Твоя, яже стяжал еси Твоею кровию, Владыко, и град не предаждь в погибель трусом страшным. Иного бо разве Тебе Бога не вемы, и воззови поющим: Аз есмь с вами, и никтоже на вы.